Trajneri i Arsenalit, Mikel Arteta, ka shprehur nevojën për të përmirësuar repartin e sulmit për sezonin e ardhshëm dhe sipas burimeve të “The Mirror”, klubi është duke shikuar talentin e Athletic Bilbao, Nico Williams.

Williams ka bërë debutimin e tij për skuadrën e parë të Bilbaos në prill të vitit 2022.

Me njëmbëdhjetë paraqitje për kombëtaren spanjolle dhe performanca e tij në La Liga, ku ka shënuar tre gola dhe ka dhënë gjashtë asistime, Williams është bërë futbollist i dëshiruar për ekipet evropiane. Arsenal nuk është i vetmi klub që ka shfaqur interes për talentin spanjoll, pasi klube të tjera si Real Madrid, Liverpool dhe Aston Villa janë gjithashtu lidhur me një lëvizje për të siguruar shërbimet e tij për sezonin e ardhshëm.

Sipas medias britanike, nevoja e transferimit të njëzet e një vjeçarit bëhet më e madhe pasi Arsenal gjatë verës mund të mbetet pa disa prej emrave të mëdhenj si Thomas Partey, Emile Smith Rowe dhe Eddie Nketiah./rtk